ПОСТАПКА ЗА ОСТВАРУВАЊЕ НА ПРАВАТА ОД ЗАДОЛЖИТЕЛНОТО ЗДРАВСТВЕНО ОСИГУРУВАЊЕ

Осигурените лица правата од задолжителното здравствено осигурување ги остваруваат во управна постапка врз основа на уредно доставено барање комплетирано со попратна документација.

Барањето комплетирано со попратна документација осигуреното лице го доставува до подрачната служба на Фондот каде е пријавено во задолжително здравствено осигурување.

Подрачната служба на Фондот како првостепен орган ќе ја започне постапката за донесување на решение со утврдување на фактичката состојба врз основа на барањето и доказите (прилозите) кон барањето.

Осигуреното лице против решението на првостепениот орган има право да поднесе жалба во рок од 15 дена од приемот на решението до Министерот за здравство кој решава во втор степен.

Против конечното решение на Министерот за здравство може да се води управен спор пред Управен суд на РМ.